nishaaniyaan...

afsos yeh rahega ki meri duaaon mein
kuch kami reh gayee...
bante bigadte humaari kahaani
adhoori reh gayee...

afsos yeh rahegaa ki samajh nahin paaya
dil un baaton ko,
aakhri mulaqaat mein mujhse jo teri
aankhen keh gayee...

meri majhbooriyon mein kabhi
teri khaamoshiyon mein kabhi
kho gaye woh pyaar ke do pal...
lekin aaj bhi meri lafzon mein
geeton mein
zinda hein guzre hue woh kal...
kabhi jiske badalne se
tu aayee thi woh mausam,
kabhi jiske barasne se
tu aayee thi woh baadal...

afsos yeh rahegaa ki aajkal meri lafzon mein
gham ki ek parchaayee hain...
aur log kehte hein ki wajah iski
teri bewafaayee hain...

haan, mujhe bhi yeh lagtaa hain ki aajkal
hansna bhool gayaa hoon,
mausam ke, phoolon ke, bahaaron ke,
khoobsurat nazaaron ke
baare mein likhna bhool gayaa hoon...

lekin jo dard teher gaya hain
meri lafzon mein
jo aansoo reh gayaa hain
meri palkon mein
yeh duaa hain ki kabhi kam naa ho,
kyun ki mere pehle pyaar ki
yehi akhree nishaaniyaan hain....

its all about the words i never told u...

main jaanta hoon ki
woh khafaa hai mujhse,
naaraz hai mujhse
magar kyun hai,
yeh nahin jaanta...

hamaari raastein alag hein,
manzilein alag hein
yeh jaanta hoon
magar kab se hai,
yeh bhi nahin jaanta...

jaanta hoon ,
uske dil mein kabhi bhi
mere liye mohabbat nahin the,
uski zindagi mein kahin bhi
meri zaroorat bhi nahin the...

lekin naa jaane kyun
naa jaane kyun mujhe aisa lagta hai,

ki woh aankhen jo anjaane mein kabhi
meri taraf ut jaati hein,
har baar mujhe dekhne ko hi
utaayi jaati hein..
woh aankhen jo bewajha kabhi
mujhe dekhke juk jaati hein,
tanhaayi mein har pal
meri hi raah dekhti hein...

main jaanta hoon aisa nahin hota,
kyun nahin hota yeh bhi nahin jaanta..

phir bhi maine apne dil mein kahin,
kahin
ek armaan chupaake rakha hai
ki ek din jab halki si koi baarish mein
woh bheeg jaaye,
tho ek hawaa banke uske kareeb jaaun
aur yeh kehdun, ki

"tumhaare liye main apne
raastein badalne ko taiyaar hoon,
manzil badalne ko taiyaar hoon,
khudko badalne ko taiyaar hoon

sirf isliye nahin ki
main tumse pyaar kartaa hoon,
iske siva mujhe koi raasta nahin dikhta
isliye bhi hai,
tumhaare siva jeene ki koi wajah nahin milta
isliye bhi hai..."

lekin main jaanta hoon ki
main koi hawaa nahin hoon,
aur uske zindagi mein kabhi
pyaar ki barsaat bhi nahin hoti..

phir bhi maine apne dil mein kahin ,
kahin
yeh sapna sajaake rakha hai,
kya pata ek din woh aaye
aur meri aankhon mein dekhe...
kya pata ek din woh aaye
aur meri aankhon se dekhe...