kuch log kabhi lautke nahin aatein....

kuch log isliye khaas hote hein,
ki woh kabhi lautke nahin aatein....

kisi ke liye woh bewafaa hein,
tho kisi ke liye adhoora pyaar....

jo bhi ho ,
kuch tho baat hain un logon mein
jo dhoor jaake bhi
humein woh dhoor nahin lagte,
judhaa hoke bhi
hum usse bhulaa nahin paatein,
unka zikr bhi jab kare
tho aankhein nam ho jaati hain,
woh hamaare liye kya the
kehne ko lafz kam pad jaati hain,

kisi ke liye woh dardbhari yaad hain,
tho kisi ke liye dard mein bhi
muskuraane ki wajah.....

jo bhi ho ,
kuch tho baat hain un logon mein

lekin naa jaane kyun
woh kabhi laut hi nahin aatein.......

zakhm.......

mushqil yeh nahin hain ki
main usse bhulaa nahin saktaa,
mushqil tho yeh hain ki agar bhool jaun
tho main kuch likh hi nahin saktaa.......

taqleef yeh nahin hain ki
ab yeh dard main kisise chupaa nahin saktaa,
taqleef tho yeh hain ki us dard ka kyaa karu
jo koi dekh hi nahin saktaa.......

waise tho paane ke liye
pyaar karte hain sabhi,
aur sirf khone ke liye
karke dekhaa hain maine......

zindagibhar hasne ke liye
pyaar karte hain sabhi,
tanhaayee mein rone ke liye
karke dekhaa hain maine......

kehte hain jo pyaar adhoora reh jaaye
uski chot bahut gehre hote hain,
zindagibhar woh zakhm reh jaata hain....

dar yeh nahin hain ki
is chot ko seene mein lekar hi
mar naa jaaye kahin.....
dar tho yeh lagtaa hain ki
kahin waqt un yaadon ko naa mitaaye
aur zakhm bhar naa jaaye kahin........

ek din.......

raat bhar sitaaron mein
tumhe dhoonda kartaa hoon....
yaadon mein khayaalon mein
tumse milaa kartaa hoon....

yeh beqaraari jo aaj
mujhe sone nahin deti
ek din tumko bhi naseeb ho
yeh duwaah maangaa kartaa hoon.........

main jaanta hoon.......

main jaanta hoon
ki woh khafaa hai mujhse
naraaz hain mujhse
lekin kyun hai...???
yeh nahin jaanta...

hamaare raastein alag hain
manzilein alag hain
yeh jaanta hoon
magar kab se hai...???
yeh nahin jaanta

mujhe yeh bhi pataa hain
ki uske dil main kabhi bhi
mere liye pyaar nahin the
uski zindagi main kahin bhi
meri zaroorat bhi nahin the

lekin na jaane kyun ,
na jaane kyun mujhe aisa lagta hai,
ki woh aankhen
jo anjaane main kabhi
meri taraf uth jaati hain
har baar mujhe dekhne ko hi
utaayee jaatee hai

woh hont
jo kabhi mere saamne nahin khultee
tanhayee main har pal
meri hi baatein kartee hain

main jaanta hoon,
aisa nahin hota
kyun nahin hota...???
yeh bhi nahin jaanta

phir bhi maine apne dil mein kahin
ek armaan dhabaake rakha hain
ki ek din,
jab halki si ek baarish mein woh bheeg jaaye
tho koi hawaa banke uske kareeb jaaoon
aur unse yeh kehdooo
ki tumhaare liye ,
tumhaare liye
main apni raastein badalne ko thaiyaar hoon
manzil badalne ko thaiyaar hoon
khud ko badalne ko thaiyaar hoon

sirf isliye nahin,
ki main tumse pyaar kartaa hoon
iske siwa mujhe koi raasta nahin dikhta
isliye bhi hain
tumhaare siwa jeene ki koi wajah nahin miltaa
is liye bhi hain...

lekin main jaanta hoon
ki main koi hawaa nahin hoon
aur uske zindagi main kabhi
pyaar ki barsaat bhi nahin hoti...

phir bhi maine apne dil main kahin
yeh sapnaa saja ke rakhaa hain..
kya pataa , ek din woh aaye..
aur meri aankhon se dekhe....
meri aankhon mein dekhe......

i am still your's.......

tera pyaar mujhe naa mila
tumse koi shiqaayat nahin hain
is kadar tumhein bhool jaun
aisi meri mohabbat nahin hain....
tumse bhi pyaara tumse bhi hansi
bahut se mil jaayenge magar
har kisi se dil lagaaun
meri yeh aadat nahin hain.....

main yeh nahin kehta ki
mujhse zyaada tumhein chaahnewaala
is duniya mein koi nahin hain...
yeh bhi nahin kahunga ki
mera pyaar saagar se bhi gehra hain
aur jannat se bhi haseen hain...

lekin itnaa tho yaqeen hain mujhko
ki mera pyaar koi mazaak
koi sharaarat nahin hain....
is kadar tumhein bhooljaaun
aisi meri mohabbat nahin hain.....

har gadi har pal tera pyaar
mujhme tha
teri khabar tera intezaar
mujhko tha
bas tumse keh naa paaya
yeh meri khataa hain
yeh tanhaayi yeh soonaapan
uski hi sazaa hain

mujhe dar tha,aaj bhi hain
shaayad tere kaabil meri yeh
chaahat nahin hain.....
lekin marke bhi tumhein bhool jaaun
aisi meri mohabbat nahin hain.....

yaad......

Aaj phir aayi thi teri yaadein
Bhoole Hue Woh Kal Lekar
Kabhi Jiske Barasne Se Tu Aayi Thi
Woh Saawan,Woh Baadal Lekar..

Jiske Saaye Mein Maine Jeena Chaaha
Marna Chaaha Woh Aanchal Lekar
Bhoolkar Bhi Jise Bhulaa Na Paaya
Woh Din,Woh Pal Lekar

Meri Haathon ko choomkar,mujhe baahon main lekar
tumne mujhe ek zindagi diye
Jiske kadam padthe hi,zindagi main bahaarein aaye
khoobsurat si woh dosti diye
Meri Aankhon main kabhi aansoon na aaye
meri honton se kabhi hansi na jaaye
yeh dua maangkar mujhe har khushi diye
aankhon main aashiqi diye
Thodi si deewangi diye........

Yeh yaadein mujhe tadpaa jaati hein
subah shaam tera naam lekar
Kabhi Jiske Barasne Se Tu Aayi Thi
Woh Saawan,Woh Baadal Lekar..

ikraar....

dil ke kisi kone mein
saari duniya se jise chupaake rakhaa
karne aaya tha unse
ikraar usi mohabbat ka ,

magar har baar ki tarah aaj bhi
woh hanstee rahi
aur main dekhtaa rahaa.......

kami....

Door jana mere kismat mein tha..
Root jana tere fidrat mein tha..
Bhool jane ka kuch bhi bahaana doondo tum,
yeh mat kehna kami mere mohabbat mein tha.....

sapnaa....

main jaanta hoon
uski aankhein kabhi meri taraf uta hi nahin,
phir bhi maine apne dil mein kahin
ek sapna sajaake rakhaa hain
kya pata ek din woh aaye
aur meri aankhon mein dekhe.....

main jaanta hoon
uski hoton pe kabhi mera naam tha hi nahin,
phir bhi maine apne dil mein kahin
ek shiqayat dabaake rakhaa hain
kya pata ek din woh aaye
aur mujhse pooche.....

aansoo..

meri aankhon mein
anjaane mein kabhi jo jhalkhti hain
woh aansoo yaad dilaate hain ki
maine kuch khoya hain...
woh aansoo shaayad mere pyaar ki
aakhri nishaani hain.....

deewana

woh yeh nahin jaanti ki
usne mujhe deewaana bana diya,
woh tho yahin samajhti hain
ki main pehle se hi deewaana tha.....

bewafa.......

Meri majhbooriyon ko bahaanon ka naam dekar
usne mujhe bewafaa kahaa ,
aur unki khamoshiyon ko kya naam doo
maine yeh poocha bhi nahin......

mausam...

yun tho ek arzaa ho gaye
unse bichde huye,
par ab jaake jaana hain
pyaar ko chupaane ki sazaa kya hain...

yaadon ki waadiyon mein
hariyaali ka ek zarra bhi nahin,
aur ab jaake samjha hain
mausamon ki rootne ki wajah kya hain...

Forgive me...

Forgive me girl, I 'm sorry
I should have told you my story.

May be I have forgotten to say
that I care
May be I have failed to show
how much I love
Believe me, still i don't know
to express my feelings
And I never found one who
could teach me all these.

Forgive me girl, I 'm sorry
I should have told you my story.

All those years when we were
together
I was realizing how strange
love can be
Long sleepless nights became a
part of my life
And on one of those nights
I wrote a song for you.

Forgive me girl, I 'm sorry
I should have told you my story.

My words were my love for you
but you never knew it
For you it was just a song
and I was just a poet
Believe me , the story in my song
was my own story
But it never found a way
in to your heart

Forgive me girl, I 'm sorry
I should have told you my story.

All I know was to write
All I could do was to sing
But my songs never touched
your heart,
And my story still remains
untold..............

My first post ......

tanha tanha raaton mein kyun
aankhen nam ho jaati hain...
shaayad uski amaanat si kuch
mere jahaan main baaki hain....
aadhi adhoori woh yaadein bhi
mujhko rulaake jaati hain....
shaayad uski amaanat si kuch
mere jahaan main baaki hain....

haaton ki nami woh baaki hain
pairon ke nishaa woh baaki hain...
chup chupke jo sab kehte the
aankhon ki hayaa woh baaki hain....

meeti si ek khushboo lekar
kwaabon mein chali woh aati hain...
shaayad uski amaanat si kuch
mere jahaan main baaki hain....

kithne yaadein chod gayi woh
ab unse gilaa kyaa baaki hain...
soone soone mere jahaan main
yaadon ke siwaa kyaa baaki hain....

itna akela pehle nahin tha
itna adhoora pehle nahin tha
jeene ki kwaahish tho gaya hain
marne ki duaa hi baaki hain...
lekin yeh tho yaad hain mujhko
har pal yeh ehsaas hain mujhko
shaayad uski amaanat si kuch
mere jahaan main baaki hain....
haan...shaayad uski amaanat si kuch
mere jahaan main baaki hain....


subith..


(plz leave a comment....)